The Internationale - ინტერნაციონალში

The Internationale - ინტერნაციონალში

 

აღსდეგ კრულვითა დაღდასმულო

ქვეყანავ მშიერ მონების,

საბედისწერო ომში გვიწევს

დღეს აღშფოთება გონების.

ჩაგვრის სამეფოს მთლად აღმოვფხვრით

და მოვსპობთ ძირფესვიანად.

ჩვენ, ჩვენს ქვეყანას შევქმნით ახალს,

დაჩაგრულს გავხდით სვიანად.

ეს არს მედგარი ჩვენი,

გადამწყვეტი ბრძოლა.

ინტერნაციონალში

ჰპოვებს შვებას ყველა.

 

მონობისაგან ჩვენ ვერ გვიხსნის

ვერც ღმერთი, მეფე, ვერც გმირი.

თავისუფლებას მოგვანიჭებს

ჩვენივე მკვლავი ძლიერი.

თუ გვსურს მძლე ხელით ჩაგვრა მოვსპოთ,

ვიხსნათ საუნჯე ჩვენია,

დავბეროთ ქურას და მხნეთ ვსჭედოთ

სანამდე რკინა ცხელია.

 

მხოლოდ ჩვენ, მშრომელთ მთელი ქვეყნის

გვეკუთვნის ვფლობდეთ სამყაროს,

მხოლოდ ჩვენ შრომის დიად რაზმსა,

მუქთახორებს კი არასდროს.

და როს ჯალათთა და ძაღლთა ხროვას

დასჭექს ცა შურისძიებით

ჩვენთვის კვლავ იწყებს დიად ბრწყინვას

მზე ცეცხლოვანი სხივებით.