I am a Tuvan - Мен – тыва мен

I am a Tuvan - Мен – тыва мен

 

Арт–арттың оваазынга

Дажын салып чалбарган

Таңды, Саян ыдыынга

Агын өргээн тыва мен.

Мен – тыва мен,

Мөңге харлыг дагның оглу мен.

Мен – тыва мен,

Мөңгүн суглуг чурттуң төлү мен.

Өгбелерим чуртунда

Өлчей тарып иженген,

Өткүт хөөмей ырынга

Өөрүп талаан тыва мен.

Аймак чоннар бүлези

Акы–дуңма найыралдыг,

Депшилгеже чүткүлдүг

Демниг чурттуг тыва мен.