I'm Going to War, Mom - Yola sal döyüşə gedirəm, Ana

I'm Going to War, Mom - Yola sal döyüşə gedirəm, Ana

 

Düşmənlər eşitsin, bilsinlər bunu:

Məğlub edə bilməz türkün oğlunu!

Geriyə qayıtmaz, batsa da qana!

Yola sal, döyüşə gedirəm, ana!

 

Vətən - anamızdır, anamız - Vətən,

Hər iki anama qurban olum mən!

Tapılmaz bu yoldan məni döndərən,

Qoymaram torpağım od tutub, yana,

Yola sal, döyüşə gedirəm, ana!

Gedirəm, gedirəm, gedirəm, ana!

Yola sal, döyüşə gedirəm, ana!

 

Şücaət göstərsəm, adım-sanımdır,

Əgər şəhid olsam - sənin adındır.

Yağılar səbrimi gətirib cana,

Yola sal, döyüşə gedirəm, ana!

 

Allah qüvvət versin qollarımıza,

Məhəbbət nur saçsın yollarımıza,

Əli yetişərsə imdadımıza,

Heç kim bata bilməz Azərbaycana!

Yola sal, döyüşə gedirəm, ana!

Gedirəm, gedirəm, gedirəm, ana!

Yola sal, döyüşə gedirəm, ana!