Song of Loyalty - Суруди Садоқат

Song of Loyalty - Суруди Садоқат

 

Аё, Тоҷикистони озоди ман,

Умеди дилу хотири шоди ман.

Чу фарзанди ту ҳодирам бар дифоъ, 

Ба ҳифзи ту ҷонро намоям фидо! 

Ватан, боиси ифтихорам туӣ,

Ватан, мабдаи эътиборам туӣ, 

Ватан, тору пуди вуҷудам туӣ,

Ватан, қиблагоҳи суҷудам туӣ! 

Манам вориси Рустами достон,

Чу Восеи размовари паҳлавон,

Чу сарбози Темурмалики замон,

Наёбад зи ман душмани ту амон!

Ватан, боиси ифтихорам туӣ,

Ватан, мабдаи эътиборам туӣ, 

Ватан, тору пуди вуҷудам туӣ,

Ватан, қиблагоҳи суҷудам туӣ! 

Ба софии оби зулолат қасам,

Ба покии хоку чалолат қасам,

Зи кӯҳсору водӣ ҳама тоҷикем,

Ҳама яктану ҷон ба ту содиқем! 

Ватан, боиси ифтихорам туӣ,

Ватан, мабдаи эътиборам туӣ, 

Ватан, тору пуди вуҷудам туӣ,

Ватан, қиблагоҳи суҷудам туӣ!