The Proud Homeland - የኩሩ ህዝቦች መኖርያ
The Proud Homeland - የኩሩ ህዝቦች መኖርያ
የኩሩ ህዝቦች መኖርያ የህብረ ብሄር ቡቃያ
የሠላም ተምሳሌት አርማ የቀለሞች ህብር ኢትዮጵያ
በደም አሻራሽ አትመው ህዝቦች ለሠጡን አደራ
ለህገ-መንግስታችን ክብር ታጥቀን ቁመናል በጋራ
የአበው የአርበኝነት ቅርስ የነፃነት ገድል ፋና
ወደ ትውልድ ተሸጋግሮ ወረሶት ፀንቷል እንደገና
ምድራዊ ፈተና በዝቶ ዙርያው ቢነድ በጎመራ
ጥሰነው እናልፈዋለን የማይሞት ታሪክ ልንሰራ
ህዝብ ነው ሃያል ክንዳችን ሠላም ልማት ነው ቋንቋችን
የመፈቃቀድ አንድነት እኩልነት ነው ዜማችን
የማንጨበጥ ነበልባል እሳት ነን ለጠላታችን
ፍሙ ከርቀት ይፋጃል ብረት ያቀልጣል ክንዳችን
ኢትዮጵያ በኛ ደም ደምቃ በአፅማችን ፍላፅ ተማግራ
እንደታፈረች እንድትኖር ከዘመን ዘመን ተከብራ
ከመሞት በላይ እንሙት ደማችን ሺህ ጊዜ ይፍሰስ
አየር አፈሯ ይባረክ ምንጊዜም ስሟ ይታደስ
Comments
Post a Comment